कापूस व सोयाबीन कीड रोगाविषयी मार्गदर्शन व सल्ला

           जळगाव, दि. 12 :- जळगाव, भुसावळ, यावल, रावेर, मुक्ताईनगर, बोदवड या तालुक्यातील कापूस, व सोयाबीन हे पीक मोठया प्रमाणात घेतले जाते शासनाने या पिकांचे सर्वेक्षण करणेसाठी तालुकास्तरावर कीड सर्वेक्षक व किड नियंत्रक यांची नेमणूक करण्यात आली आहे. सद्यस्थितीत

कापूस व सोयाबीन पिकावर खालीलप्रमाणे किडींचा प्रादुर्भाव आढळून आलेला आहे. या रोग नियंत्रणासाठी कृषि विषयक सल्ला पुढीलप्रमाणे-

           कापुस कॉटन जासिडस् - किडीचा प्रादुर्भाव 1.00 सरासरी ग्रेड आढळूण आला तरी पिकाचे नियमित सर्वेक्षण करुन किडींच्या प्रादुर्भावावर लक्ष ठेवावे. जर कपाशीच्या झाडाच्या खालच्या बाजूस पाने आकसलेली, पानाच्या कडा पिवळसर रंगाच्या होणे किंवा तुरतुडे प्रति पान पिकाच्या वाढीच्या सुरुवातीच्या अवस्थेत आढळून आल्यास तसेच किडीच्या नैसर्गिक शत्रू किडींची संख्या जर जास्त असेल तर हानिकारक रासायनिक  किटकनाशकाचा वापर टाळावा. गरज भासल्यास व्हर्टिसिलियम लेकानी   10  ग्रॅम प्रति लिटर किंवा बिवेरीया बासियाना या बुरशीची 10 मिली प्रति लिटर किंवा निम तेल 5 मिली अधिक 1 ग्रॅम वाशिंग पावडर प्रति लिटर पाणी याची फवारणी करावी. भविष्यात जर किडीची संख्या पीक वाढीच्या सुरुवातीच्या अवस्थेत 10 पिल्ले व प्रौढ दर , 3 पाने , दर झाड आढळून आल्यास व्हर्टिसिलियम लेकानी  10 ग्रॅम प्रति लिटर किंवा विवेरीया वासियांना या बुरशीची 10 मिली प्रति लिटर किंवा निम तेल 5 मिली अधिक 1 ग्रॅम वाशिंग पावडर प्रती लिटर पाणी याची फवारणी करावी. जर किडीची संख्या पीक वाढीच्या सुरुवातीच्या अवस्थेत 10 पिल्ले व प्रौढ , 3 पाने ,झाड आढळून आल्यास तसेच किडीच्या नैसर्गिक शत्रू किडींची संख्या जर जास्त असेल तर हानिकारक रासायनिक किटकनाशकाचा वापर टाळावा. गरज भासल्यास व्हर्टिसिलियम लेकानी 10 ग्रॅम प्रति लिटर किंवा विवेरीया बासियाना या बुरशीची 10 मिली प्रति लिटर किंवा निम तेल 5 मिली अधिक 1 ग्रॅम वाशिंग पावडर प्रति लिटर पाणी याची फवारणी करावी.

           सोयाबीन - उंट अळी स्पोडोप्टेरा व हेलीकोव्हर्पा अळीच्या व्यवस्थापनासाठी इमामेक्टिन बेन्झोएट 5 एस. जी. 0.4 ग्रॅम किंवा प्रोफेनोफॉस 50 ई. सी.  2.5 मिली प्रति लिटर पाण्यात मिसळून फवारावे. चक्री भुंग्याच्या व्यवस्थापनासाठी टायझोफॉस 40 टक्के 1.6 मिली प्रती लिटर पाण्यात मिसळून फवारावे. स्पोडोप्टेराच्या अंन्डीपुंजा व समुहातील अळयावर लक्ष्य ठेवावे. चक्री भुंग्याने प्रादुर्भावग्रस्त भाग काढून टाकावा. असा सल्ला उप विभागीय कृषी अधिकारी जळगाव यांनी प्रसिध्दी पत्रकान्वये दिला आहे.