शिवराज्याभिषेक दिन साजरा करण्यासाठी व्याख्यानांचे आयोजन; मंत्री मंगलप्रभात लोढा यांच्या संकल्पनेतून विशेष उपक्रम

                     जळगाव, दिनांक  05 (जिमाका वृत्त ) :   कौशल्य विकास, रोजगार, उद्योजकता व नाविन्यता विभागाचे मंत्री मंगलप्रभात लोढा यांच्या संकल्पनेतून दिनांक ६ जून २०२५ रोजी शिवराज्याभिषेक दिन मोठ्या उत्साहात साजरा करण्यात येणार आहे. या अनुषंगाने जिल्ह्यातील सर्व शासकीय व खासगी संस्थांमध्ये मान्यवर वक्ते व विषय तज्ञांच्या व्याख्यानांचे आयोजन करण्यात आले आहे.

             या कार्यक्रमाचे उद्घाटन महाराष्ट्र राज्याचे मुख्यमंत्री देवेंद्र फडणवीस यांच्या हस्ते ऑनलाईन पद्धतीने होणार आहे.

               कार्यक्रमात खालील विषयांवर मान्यवर वक्ते व्याख्याने देणार आहेत:

१. नागरी कर्तव्ये आणि शिष्टाचार

२. कुटुंब प्रबोधन

३. स्वदेशी विचारांचा प्रसार

४. सामाजिक समरसता

५. पर्यावरण संरक्षण

                 जिल्ह्यातील सर्व शासकीय व खासगी संस्थांनी या कार्यक्रमाचे नियोजन करावे व जनसामान्यांनी मोठ्या संख्येने सहभाग नोंदवावा, असे आवाहन विभागामार्फत करण्यात आले आहे.