मोहाडी येथील शासकीय महिला रुग्णालयात महिलेवर दुर्बिणीद्वारे जोखमीची शस्त्रक्रिया यशस्वी; गरजू रुग्णांनी लाभ घेण्याचे आवाहन

                     जळगाव दि. 18 ( जिमाका वृत्तसेवा ) : जिल्हा महिला व बाल रुग्णालय मोहाडी जळगाव येथे जिल्हा शल्य चिकित्सक डॉ. किरण पाटील व वैद्यकीय अधीक्षक डॉ. किरण बळीराम सोनवणे, यांच्या मार्गदर्शनाने सोमवार दिनांक १७ मार्च रोजी जिल्हा महिला व बाल रुग्णालय मोहाडी जळगांव येथे डॉ. चंदन महाजन (एम.डी. श्रीरोग तज्ञ) हर्षगोप हॉस्पिटल जळगाव यांनी दुर्बिणीद्वारे अत्यंत गुंतागुंतीची गर्भपिशवी काढण्याची शस्त्रक्रिया यशस्वीपणे पार पाडली. रुग्णालयात ही शस्त्रक्रिया विनामुल्य करण्यात आली.

                ज्या रुग्णाला उच्च रक्तदाब व हृदयाचा त्रास होता व ज्याच्यावर  हृदयरोग तज्ञ यांनी २D ECHO करुन घेतला होता अश्या रुग्णाला भुलरोग तज्ञ डॉ. नरेंद्र ठाकुर एम.डी. व डॉ. किरण सोनवणे यांनी योग्य ती भुल देऊन ही शस्त्रक्रिया सुरक्षितपणे पार पाडली. यांना शस्त्रक्रिया गृहातील परिसेविका वैशाली पाटील व तुळसा माळी अधिपरिचारीका, शिला पटोकार अधिपरिचारीका व शस्त्रक्रिया विभागातील सर्व कक्षसेवक व इतर कर्मचारी यांनी मदत केली.

               मोहाडी येथील महिला व बाल रुग्णालयात दुर्बिणीद्वारे होणाऱ्या शस्त्रक्रिया जसे गर्भपिशवी काढणे, अपेंडिक्स काढणे, हर्निया दुरुस्ती या सर्व शस्त्रक्रिया महात्मा फुले जन आरोग्य योजनेअंतर्गत विनामुल्य होतात तरी जिल्ह्यातील सर्व गरजू रुग्णांनी या योजनेचा लाभ घ्यावा व अशा प्रकारच्या शस्त्रक्रियेसंबधी मदतीसाठी श्री. चेतन परदेशी ९०६७५३१९२३ व श्री. राहुल पारचा ९६७३६३९७४१ यांना संपर्क साधावा असे आवाहन डॉ. किरण बळीराम सोनवणे यांनी जिल्ह्यातील रुग्णांना केलेले आहे.