चाळीसगांव येथे शासकीय निवासी शाळेत प्रवेश सुरु

जळगांव, दि. 14 :- शासनाच्या समाज कल्याण विभागामार्फत चालविण्यात येणारी अनु. जाती व नवबौध्द मुलांची शासकीय निवाशी शाळा चाळीसगांव येथे अनु. जाती व नवबौध्द विद्यार्थ्यांसाठी धुळे रोड, डेराबरडी येथे अंध शाळेजवळ सन 2012 मध्ये सुरु करण्यात आली असून सदर शाळेत अनु-जाती व नवबौध्द विद्यार्थ्यांना प्रवेश देणे सुरु आहे.

     सदर निवाशी शाळेमध्ये इयत्ता 5 वी ते 7 वी पर्यंत प्रवेशित विद्यार्थ्याना शासनामार्फत मोफत निवास, भोजन, क्रमीका पुस्तके व शैक्षणिक साहीत्य इ. सुविधा पुरविण्यात येतात. तरी गरजू विद्यार्थ्यांनी मुख्याध्यापक, अनु.जाती व नवबौध्द मुलींची शासकीय निवासी शाळा चाळीसगांव येथे व शासकीय मुलींचे वसतिगृह चाळीसगांव येथे संपर्क साधावा असे मुख्याध्यापक अनुसुचित जाती व नवबौध्द मुलांची शासकीय निवासी शाळा चाळीसगांव यांनी एका प्रसिध्दी पत्रकान्वये कळविले आहे.

0 0 0 0 0