अपंगासाठी मोफत संगणकीय व व्यावसाईक प्रशिक्षण

जळगांव दि. 11 :- महाराष्ट्र शासन, अपंग कल्याण आयुक्तालय, महाराष्ट्र राज्य, पुणे व जिल्हा परिषद, सांगली अंतर्गत कार्यरत शासकीय प्रौढ अपंग प्रशिक्षण केंद्र व वसतिगृह ही संस्था प्रौढ अपंगासाठी मोफत प्रशिक्षण देणारी पश्चिम महाराष्ट्रातील एकमेव शासकीय संस्था आहे. या संस्थेतील प्रशिक्षण वर्गाना महाराष्ट्र राज्य व्यवसाय शिक्षण परीक्षा मंडळ, मुंबई ची शासन मान्यता आहे. तसेच MS CIT  या संगणक प्रशिक्षणासाठी हे अधिकृत प्रशिक्षण केंद्र म्हणून शासन मान्यता आहे. या संस्थेला अखिल भारतीय स्तरावरील  FICCI  AWARD 1999 हा प्राप्त झालेला आहे. सन 2012 - 13 या चालू शैक्षणिक वर्षासाठी मोफत प्रवेश देणे सुरु आहे. माफक जागा असल्याने त्वरीत संपर्क साधा.  प्रवेशासाठी नियम अटी व सवलती पुढीलप्रमाणे आहेत.

     अभ्यासक्रमाचे नाव अ) सर्टिफिकेट इन कॉम्प्युटर ऑपरेशन वुईथ एम.एस.ऑफिस (संगणक कोर्स) - किमान इ. 8 वी पास 25 जागा   ब) सबमर्सिबल सिंगल फेज , थ्री फेज मोटर ऍ़न्ड आर्मेचार रिवायडींग - किमान इ. 9 वी पास 25 जागा क) एम.एस.सी.आय.टी ( MS CIT )  -- वरील सर्व 50 विद्यार्थ्यांसाठी वयोमर्यादा 16 ते 40 वर्ष प्रशिक्षण कालावधी :- 1 वर्ष, फक्त अपंग मुलांनाच प्रवेश दिला जातो सोई व सवलती प्रशिक्षण कालावधीत राहण्याची, जेवणाची व प्रशिक्षणाची मोफत सोय अद्यावत व परीपूर्ण संगणक कार्यशाळा भरपूर प्रॅक्टीकल्स व व्यवसायाभिमुख मोफत प्रशिक्षण नेटवर्कीग व इंटरनेटची सुविधा अनुभवी व तज्ञ निदेशक उज्वल यशाची परंपरा समाज कल्याण विभागाकडून स्वंयरोजगारासाठी व्यवसायासाठी बीज भांडवल योजना .

     प्रवेश अर्ज व माहितीपत्रक अधिक्षक, शासकीय प्रौढ अपंग प्रशिक्षण केंद्र व वसतिगृह, टाकळी रोड, म्हेत्रे मळा, गोदड मळयाजवळ, मिरज ता मिरज जि सांगली पिनकोड 416 410 फोन नंबर 0233 - 2222908 मोबाईल 9881609940, 9922577561 या पत्यावर पोस्टा व्दारे किंवा समक्ष मोफत मिळतील प्रवेशासाठी कोणतीही फी आकारली जाणार नाही. प्रवेश अर्ज पूर्णपणे भरुन फोटोसह संस्थेकडे पाठवावेत किंवा समक्ष भरुन द्यावेत. प्रवेश अर्जासोबत शाळा सोडल्याचा दाखला, अपंगत्व असल्याबाबतचे समक्ष अधिका-यांचे प्रमाणपत्र व उत्पन्नाचा दाखला यांच्या झेरॉक्स प्रती जोडाव्यात. प्रवेश अर्ज संस्थेकडे 25 जुलै 2012 पुर्वी पोहचतील अशा बेताने पाठवावेत. प्रवेश अर्ज प्राप्त झाल्यानंतर तज्ञ समिती व्दारे मुलाखती घेऊन प्रवेश देण्यात येईल.ृ

     तरी माफक जागा असल्याने गरजू अपंगांनी या सुवर्ण संधीचा लाभ घेण्यासाठी त्वरीत संपर्क साधा ग्रामीण व शहरी भागातील लोकांना आवाहन करणेत येते की या योजनेचा लाभ घेण्यासाठी आपणांस ज्ञात असलेल्या गरजू अपंग बांधवाना या शासकीय योजनेची माहिती करुन द्यावी असे शासकीय प्रौढ अपंग प्रशिक्षण केंद्र व वसतिगृह मिरज ता मिरज जि सांगली पिन 416 410 यांनी कळविले आहे.

* * * * *

माजी सैनिक तालुका समिती बैठक

     जळगांव, दि. 11 - एरंडोल व चोपडा तालुक्यातील सर्व माजी सैनिक / विधवा व त्यांचे अवलंबितांच्या अडीअडचणी सोडविण्याकरिता खालील प्रमाणे गठीत केलेल्या समितीची बैठक संबंधित तहसिलदार यांचे अध्यक्षतेखाली आयोजित केलेली आहे. तरी संबंधित तालुक्यातील माजी सैनिक / अवलंबितांनी त्यांच्या अडीअडचणी असल्यास लेखी स्वरुपात दोन प्रतीत आणाव्यात व बैठकीस हजर राहुन आपले प्रकरण  तहसिलदारांना पुढील कार्यवाहीसाठी सादर करावे असे कॅप्टन मोहन कुलकर्णी, जिल्हा सैनिक कल्याण अधिकारी, जळगांव यांनी आवाहन केले आहे. बैठकीच्या तारखा व वेळ पुढीलप्रमाणे दि. 14 जून 2012 रोजी एरंडोल येथे 11.30 वाजता, दिनांक 20 जून 2012 रोजी चोपडा येथे 11.30 वाजता

* * * * *