सैन्य व पोलीस दलातील भरतीपूर्व प्रशिक्षणाकरिता 13 व 26 जून रोजी निवड चाचणी

जळगांव, दि. 12 :- जिल्हयातील सैन्य व पोलीस दलात भरती होऊ इच्छिणा-या युवकांसाठी त्यांच्या पात्रतेप्रमाणे व कमीत - कमी खर्चात प्रशिक्षण देऊन भरती योग्य बनविण्यासाठी महाराष्ट्र शासन अंगिकृत असलेल्या माजी सैनिक महामंडळाव्दारे कोल्हापूर व सातारा येथे प्रशिक्षण केंद्र कार्यरत आहे. तरी इच्छूक उमेदवारांनी (10 वी व 12 वी पास असल्याचे गुणपत्रक लिव्हींग सर्टिफिकेट) शैक्षणिक प्रमाणपत्रांसह निवड चाचणीसाठी दिनांक 13 जुन 2012 व 26 जून 2012 रोजी सकाळी 10.00 वाजता सैनिकी मुलांचे वसतीगृह, जी. एस. ग्राऊंडजवळ, जळगांव येथे हजर राहण्याचे आवाहन जळगांव जिल्हा सैनिक कल्याण कार्यालयाकडून करण्यात येत आहे.

तसेच चाचणी नंतर पात्र ठरलेल्या युवकांना सदर प्रशिक्षणासाठी. प्रवेश शुल्क रक्कम रु. 200/- भरुन प्रवेश निश्चित करता येईल याप्रशिक्षण केंद्रामध्ये पात्र विदयार्थ्यांकडून सैन्यात भरती होण्यासाठी सर्वप्रकारची तयारी करुन घेतली जाते. यात शारिरिक चाचणीमध्ये - रनिंग, मैदानी खेळ, पुलप्स, लॉग जम्प, गोळाफेक इ. तसेच इतर विषयांमध्ये लेखी परीक्षेसाठी - जनरल नॉलेज , इंग्रजी, गणित या विषयांची तयारी करुन घेतली जाते. तरी जळगांव जिल्हयातील युवकांनी या योजनेचा जास्तीत जास्त लाभ घ्यावा, असे आवाहन कॅप्टन मोहन कुलकर्णी, जिल्हा सैनिक कल्याण अधिकारी, जळगांव यांनी एका प्रसिध्दी पत्रकाव्दारे केले आहे.

0 0 0 0 0