आदिवासी उमेदवारांना प्रशिक्षण इच्छूकांनी 24 जुलै पर्यत अर्ज सादर करावेत

          जळगांव, दि. 11:- आदिवासी उमेदवारांकरीता रोजगार व स्वयंरोजगार माहिती व मार्गदर्शन केंद्र,रावेर येथे 1 ऑगस्ट 2013 पासून 84 वे प्रशिक्षण सत्र सुरु होत आहे.

          प्रशिक्षणांत आदिवासी उमेदवारांना विविध संस्थामार्फत जाणा-या स्पर्धा (इंग्रजी / सामान्य ज्ञान / गणित / बौध्दिक चाचणी) परिक्षांची तयारी करुन घेतली जाते. प्रशिक्षणाकरीता उमेदवारांची शैक्षणिक पात्रता कमीत कमी एस. एस. सी. पास व वय 18 वर्षे पूर्ण असणे आवश्यक आहे तसेच उमेदवार आदिवासी (अनु. जमाती) या प्रवर्गाचा असावा. प्रशिक्षण कालावधी साडेतीन महिन्याचा असून प्रशिक्षण काळात प्रशिक्षणार्थी उमेदवारांना दरमहा रुपये 1 हजार विद्यावेतन देण्यात येते.

          प्रशिक्षणाकरीता इच्छूक उमेदवारांनी 24 जुलै 2013 पर्यत आदिवासी उमेदवाराकरिता रोजगार व स्वयंरोजागर माहिती व मार्गदर्शन केंद्र, प्लॉट नं. 2 शनि मंदीरामागे, स्टेशनरोड, पंचायत समिती जवळ, रावेर येथे विहित नमुन्यांत अर्ज सादर करावा. सोबत शैक्षणिक पात्रतेचे मूळ प्रमाणपत्रे व त्यांच्या साक्षांकित झेराक्स प्रती नांव नोंदणीचे ओळखपत्र आणि पासपोर्ट साईजचे दोन फोटो सोबत द्यावेत यापूर्वी या कार्यालयामार्फत प्रशिक्षण घेतलेल्या उमेदवारांनी मुलाखतीस येऊ नये.

          प्रशिक्षणाच्या साडेतीन महिन्याच्या कालावधीत उमेदवारांना राहण्याची व भोजनाची व्यवस्था स्वत: करावी लागेल. मुलाखतीसाठी कोणताही प्रवास खर्च दिला जाणार नाही याची उमेदवारांनी नोंद घ्यावे असे आवाहन रोजगार व स्वयंरोजगार मार्गदर्शन अधिकारी रावेर जि. जळगांव यांनी केले आहे.