छायाचित्र मतदार याद्या: संक्षिप्त पुनरिक्षण कार्यक्रम

छायाचित्र मतदार याद्या: संक्षिप्त पुनरिक्षण कार्यक्रम

        जळगाव दि.8 - जिल्ह्यातील सर्व विधानसभा मतदारसंघात 1 जानेवारी 2017 या अर्हता दिनांकावर छायाचित्र मतदार याद्यांचे विशेष संक्षिप्त पुनरिक्षण कार्यक्रम राबविण्यात येणार आहे. यासंदर्भात मुख्य निवडणूक अधिकारी, महाराष्ट्र राज्य, मुंबई यांनी आदेश दिले असुन पुनरिक्षणाचा विशेष कार्यक्रम खालीलप्रमाणे-

            प्रारुप मतदार याद्यांची प्रसिद्धी कालावधी (शुक्रवार) 16 सप्टेंबर 2016, दावे व हरकती स्विकारण्याचा कालावधी (शुक्रवार) 16 सप्टेंबर ते 14 ऑक्टोबर 2016 (शुक्रवार), मतदार यादी मधील संबंधित भागाचे, ग्रामसभा, स्थानिक संस्था येथे वाचन व आरडब्ल्युए सोबत बैठक इत्यादी आणि नावांची खातरजमा करणे (शुक्रवार) 16 सप्टेंबर 2016 आणि (शुक्रवार) 30 सप्टेंबर 2016, विशेष मोहिमेचे दिनांक (रविवार) 18 सप्टेंबर 2016 आणि (रविवार) 9 ऑक्टोबर 2016, दावे व हरकती निकालात काढणे (बुधवार) 16 नोव्हेंबर 2016 पर्यंत, डाटाबेसचे अद्ययावतीकरण करणे छायाचित्राचे सरमिसळ, कंट्रोल टेबलचे अद्ययावतीकरण, पुरवणी मतदार यादीची छपाई इत्यादी (गुरुवार) 15 डिसेंबर 2016 आणि अंतिम मतदार यादी प्रसिद्धी (गुरुवार) 5 जानेवारी 2017.

            विशेष मोहिमेच्या तारखांना मतदान केंद्राच्या ठिकाणी बी.एल.ओ.मार्फत मतदार नोंदणीचे फॉर्म स्विकारले जातील. मतदार नोंदणीच्या विशेष कार्यक्रमात जिल्ह्यातील सर्व मतदार, सामाजिक संस्था, राजकीय पक्ष यांनी सक्रीय भाग घेऊन निवडणूक यंत्रणेला सहकार्य दिल्यास त्या अचूक व परिपूर्ण होण्याची खात्री बाळगता येईल. ऐनवेळी पात्र मतदारांची नावे मतदार यादीमध्ये वगळली गेल्याबाबतची तक्रार करण्यास वाव राहणार नाही. तरी या कार्यक्रमास सहकार्य करावे, असे आवाहन जळगाव जिल्हाधिकारी व जिल्हा निवडणूक अधिकारी, रुबल अग्रवाल यांनी केले आहे.

०००००