ऑनलाईन नामनिर्देशन भरण्यासाठी चाळीसगांवात कार्यशाळेचे आयोजन

ऑनलाईन नामनिर्देशन भरण्यासाठी

चाळीसगांवात कार्यशाळेचे आयोजन

           

            चाळीसगांव, दिनांक 23 :-  जिल्हा परिषद, पंचायत समिती सार्वत्रिक निवडणुक 2017 साठी उमेदवारांचे उमेदवारी अर्ज ऑनलाईन पध्दतीने स्वीकारले जाणार आहेत. अर्ज भरतांना काही चुका होऊ नयेत, उमेदवारांचे उमेदवारी अर्ज अवैध ठरु नयेत यासाठी ऑनलाईन अर्ज कसा भरावा यासाठी मंगळवार दिनांक 24 जानेवारी 2017 रोजी सकाळी ठीक 11:00 वाजता तहसिल कार्यालय, चाळीसगाव  येथे कार्यशाळेचे आयोजन करण्यात आले आहे.

            चाळीसगाव तालक्यातील जिल्हा परिषद व पंचायत समिती  सार्वत्रिक निवडणूक-2017 साठी निवडणूक निर्णय अधिकारी शरद पवार हे आहेत. दिनांक 27 जानेवारी ते 1 फेब्रुवारी  हा उमेदवारी अर्ज भरण्याचा कालावधी आहे. उमेदवारांना त्यांचा अर्ज ऑनलाइन पध्दतीने भरावयाचा आहे. त्याची प्रिंट करुन त्यावर नोटरी स्वत:ची सही करुन निवडणूक निर्णय अधिकाऱ्यांकडे सादर करावयाचा आहे. त्यामुळे ऑनलाइन अर्ज भरतांना येणाऱ्या अडीअडचणी, शंकाचे निरसनासाठी कार्यशाळेचे आयोजन करण्यात आले आहे. तरी इच्छुक उमेदवारांनी या कार्यशाळेत मोठ्या संख्येने उपस्थित रहावे असे आवाहन सहाय्यक निवडणूक निर्णय अधिकारी जिल्हा परिषद  व पंचायत समिती सार्वत्रिक निवडणूक 2017 तथा तहसिलदार कैलास देवरे यांनी एका प्रसिध्दी पत्रकान्वये केले आहे.

* * * * * * * *