जळगाव येथील सेंट ग्रामीण स्वयंरोजगार प्रशिक्षण संस्थे मार्फत 'वन जीपी वन बीसी' प्रशिक्षण व परीक्षेचे आयोजन

      जळगाव, दिनांक 24 डिसेंबर (जिमाका) : जळगाव येथील सेंट ग्रामीण स्वयंरोजगार प्रशिक्षण संस्थे मार्फत 'वन जीपी वन बीसी' प्रशिक्षण व परीक्षेचे आयोजन करण्यात आले होते. दिनांक १८ ते २३ डिसेंबर 2024 दरम्यानच्या या सहा दिवसांच्या विशेष प्रशिक्षणात युवक-युवतींना बँकिंग प्रतिनिधी म्हणून कार्य करण्यासाठी प्रशिक्षण देण्यात आले. या प्रशिक्षणातून ग्रामीण भागातील युवकांना रोजगाराच्या संधी मिळवण्यासाठी मदत होणार आहे. प्रशिक्षणानंतर दिनांक २४ डिसेंबर 2024 रोजी इंडियन इन्स्टिट्यूट ऑफ बँकिंग अँड फायनान्स (IIBF) मार्फत अंतिम परीक्षा घेण्यात आली.

         परीक्षे दरम्यान RSETI संचालक सुमित कुमार झा यांची प्रमुख उपस्थिती होती. प्रशिक्षक संजीवनी मोरे आणि दिग्विजय खंबायत, कार्यालयीन सहाय्यक सचिन मराठे, अश्विनी मराठे आणि कल्पेश धिवरे यांनीही कार्यक्रमासाठी मोलाचे सहकार्य केले.