धरणगाव येथील क्रांतिकारी खाज्याजी नाईक शासकीय औद्योगिक प्रशिक्षण संस्थेत शिवराज्याभिषेक दिनाचे आयोजन

            जळगाव, दिनांक  05 (जिमाका वृत्त ) : क्रांतिकारी खाज्याजी नाईक, शासकीय औद्योगिक प्रशिक्षण संस्था, धरणगाव येथे दिनांक ६ जून २०२५ रोजी शिवराज्याभिषेक दिनानिमित्त सकाळी १० वाजता विविध कार्यक्रमांचे आयोजन करण्यात आले आहे.

            या कार्यक्रमाचे ऑनलाईन उद्घाटन महाराष्ट्र राज्याचे मुख्यमंत्री देवेंद्रजी फडणवीस यांच्या हस्ते व्हिडीओ कॉन्फरन्सद्वारे होणार आहे. या कार्यक्रमाचे प्रमुख वक्ते महेश आहेरराव हे “सामाजिक समरसता” या विषयावर मार्गदर्शन करणार आहेत.

                कार्यक्रमात संस्थेतील नाविन्यपूर्ण प्रकल्पांचे प्रदर्शन आयोजित करण्यात आले आहे. या वेळी धरणगाव शहर व परिसरातील प्रतिष्ठित व्यक्ती, सामाजिक व शैक्षणिक क्षेत्रातील मान्यवर तसेच संस्थेतील माजी प्रशिक्षणार्थी व त्यांच्या पालकांना निमंत्रित करण्यात आले आहे.

                  याप्रसंगी क्रांतिकारी खाज्याजी नाईक शासकीय औद्योगिक प्रशिक्षण संस्था, धरणगावचे प्राचार्य एन. व्ही. चव्हाण व प्रशिक्षण अधिकारी श्री. एम. ए. मराठे यांनी कार्यक्रमाचा लाभ घेण्याचे सर्वांना आवाहन केले आहे.